Një grua kryeson komisionin e të drejtave të njeriut, në Organizatën e Bashkëpunimit Islam

---

Anëtarët e komisionit të përhershëm për të drejtat e njeriut, pranë Organizatës së Bashkëpunimit Islam, kanë zgjedhur të martën një grua për të kryesuar mbledhjen e bordit, i cili përbëhet nga 18 anëtarë.

Zëdhënësi i Organizatës për Bashkëpunim Islam, Rizvan Sheikh, duke komentuar zgjedhjen e profesores Siti Ruhaini, tha:”Procesi i zgjedhjes së një gruaje në këtë post, dërgon një mesazh të qartë dhe pozitiv për funksionimin në mënyrë të pavarur të komisionit. Ky është një tregues i frymës së re të Organizaës.” Ai shtoi se të drejtat e gruas dhe të fëmijës në shtetet anëtare të Organizatës, bëjnë pjesë tek prioritetet e Organizatës.

Vlen të themi se Siti Ruhaini është indoneziane, e specializuar në fushën e sociologjisë dhe punon në universitetin islam në Yogyakarta. Ajo kryeson dhe qendrën e të drejtave të gruas në Indonezi. /ardhmeriaonline/

---