Sejful Islam tregon vendet ku fshihen miliardat e Geddafit

---

Bazuar në të dhënat e publikuara nga një burim pranë ministrisë së mbrojtjes libiane, vetë Sejful Islam, djali i Geddafit, i cili është i arrestuar, ka vizituar gjatë dy ditëve të kaluara Babul Azizije në Tripoli, për tu treguar autoriteteve vendet ku i ati kishte fshehur shuma të konsiderueshme.

Sipas burimit në fjalë, Sejful Islami u ka treguar njësive që e shoqëronin vendet ku qëndronin të fshehura vlera monetare të konsiderueshme. Përveç Babul Azizije, ai është dërguar në disa vende të tjera në Tripoli, vende që janë përdorur më së shumti nga mercenarët e Geddafit gjatë revolucionit. Sejful Islam është larguar  menjëherë nga Tripoli pasi tregoi vendet ku fshiheshin paratë, drejt qytetit Zentan. Vendet ku ishin fshehur këto shuma, nuk e dinte kush tjetër përveç Geddafit dhe njerëzve të tij më të afërt.

Një pjesëtar i forcave të rendit në Tripoli, ka thënë se në Babul Azizije janë gjetur sasi të mëdha floriri, të fshehura në një gropë brenda ambienteve. Sipas tij, sasia e gjetur është me dhjetëra kallëpe flori. /ardhmeriaonline/

---