Turqia zbulon minerale të rralla

---

Turqia njofton se ka zbuluar një mineral të rrallë në tokat e saj, që mjafton për të furnizuar botën për 1000 vjet. Ky zbulim do të ndihmojë në teknologjinë e makinave elektrike dhe do të ndihmojë prodhuesit ndërkombëtarë në prodhimin e baterive.

Ministria e energjisë dhe minierave e Turqisë, njofton se ka zbuluar mbi 694 milion ton të këtyre mineraleve, në kërkimet që kanë bërë në Rajonin e Eskishehir.  Zbulimet tregojnë për 17 – të lloje të mineraleve të rralla dhe bazike. Ndërmjet tyre Sirium, Lithium, Neodimium dhe Samarium. Materiale që konsiderohen si e ardhmja e teknologjisë.

Ato gjithashtu përdoren edhe për disa pajisje inteligjente dhe armatime ushtarake.

Ankara deklaron se Turqia posedon rezervat e dyta me të mëdha në botë me këto minerale.

Erdoğan shprehet se: Synojmë të përpunojmë  570 – të  mijë ton lëndë të parë në vit, kur te kemi ndërtuar teknologjinë e nevojshme të përpunimit.

Bateritë e makinave elektrike kanë nevojë për disa materiale që të prodhohen. Disa prej tyre konsiderohen elementë të rrallë në planet. Deri tani Kina e furnizon botën me këto minerale në masën 80-90%.

Për BE, këto furnizime kineze, u ngritën në 98 % vitin e shkuar. Sidomos pas deklaratave të Britanisë dhe USA, se do të bazohen vetëm në makinat elektrike, në periudhën e afërt. Duke ndaluar përfundimisht qarkullimin e makinave me naftë ose benzinë në vitin 2045.

Revista “TIMES” deklaron se zbulimi I Turqisë do të zgjidhë probleme shumë të mëdha për botën. "Nuk mund të themi se zbulimi I Turqisë do të jetë shpëtimi për ekonominë europiane. Por ai do të zgjidhë shumë probleme në të, tha Rian Castilo, një analist I fushës së teknologjisë europiane.

Gjithsesi specialistët turq, vazhdojnë t’i mbajnë të rezervuara shumë detaje në lidhje me këtë zbulim.

Ndërkohë që përpunimi i këtyre mineraleve kërkon infrastrukturë shumë efikase për përpunimin e lëndës së parë. Pasi pastërtia e këtyre mineraleve në natyrë është rreth 2%.

Sipas specialistëve,  sasia e rezervave do ti mjaftojë botës për 50 vitet e ardhshme.

Sigurisht Kina nuk e ka mirëpritur këtë zbulim të Turqisë. Ajo ka deklaruar se këto rezerva nuk do ndikojnë në uljen e pozicionit ekonomik të Kinës në botë.

Përktheu: Eduart Thartori

---