Që në nji shoqëri përparim të ketë,
duhen burra… por ku me i gjetë?!
Ata janë që jetës gjallëri i japin,
për ku synojnë shtrirë e mbajnë hapin…
Në qenien e tyre mishërohen tipare,
që nuk blihen, as shiten me pare…
Dëshirë dhe qëllim i shoqërojnë me vepër,
sado që arrijnë,kurrë se quajnë tepër.
As se quajnë tepër, as mjaft s’thonë,
por kah e mira vrapojnë gjithmonë.
Modelin që ndjekin asht i përsosur,
me emër të Allahut asht i vulosur.
Ai asht Pejgamberi, mësuesi jonë,
sunneti i tij në vepër na fton…
Ai asht mëshirë për mbarë njerëzimin,
kush don shpëtim, aty gjenë frymëzimin.
Poet: Burhan Fili
