Shumë kohë më parë, tregohet se mësuesja e klasës së dytë po korrigjonte provimet e nxënësve gjatë orës së matematikës. Mirëpo, nxënësit bënin zhurmë dhe nuk e lejonin të punonte në qetësi. Për të mos u shqetësuar, ajo vendosi t’u japë një detyrë klase që do t’i angazhonte gjatë gjithë orës, dhe kështu vetë do ta kishte më të lehtë të korrigjonte provimet.
Ajo u tha atyre: “Mblidhni numrat nga 1 deri në 100, pra 1 + 2 + 3 + 4 + 5 + 6… deri në 100.”
Sigurisht, kjo ishte një detyrë e vështirë dhe zgjidhja e saj zakonisht kërkon më shumë se një orë mësimi, por të paktën nxënësit do të punonin, dhe mësuesja do të ishte më e qetë.
Pasi nuk kishin kaluar as dy minuta, njëri prej nxënësve u ngrit dhe tha: “Mësuese, e zgjidha ushtrimin!”
Mësuesja u habit dhe pyeti: “Çfarë po thua? Nuk ka mundësi… Trego si e zgjidhe!”
Po të ishe ti në atë klasë, a do ta zgjidheje këtë ushtrim për dy minuta?!
Zgjidhja e ushtrimit:
Nxënësi vuri re se:
1+100=101
2+99=101
3+98=101
4+97=101
5+96=101
e kështu me rradhë…
Veprimi i dytë që nxënësi bëri, ishte:
100:2= 50
Pra ishin 50 çifte gjithsej.
Kurse veprimi i tretë:
50X101=5050
Pra, nëse mbledhim nga 1-100 përfundimi del 5050.
