Ebu Hurejra (r.a) ka thënë: I Dërguari i Allahut (a.s) ka thënë:
“Kush e agjëron Ramazanin me besim dhe duke kërkuar shpërblimin nga Allahu, i falen mëkatet e mëparshme.”
Çfarë mësojmë nga hadithi i mësipërm?
1 – Vlera e madhe që ka agjërimi i muajit të Ramazanit.
2 – Muslimani e agjëron Ramazanin me besim tek Allahu.
3 – Muslimani agjëron sepse shpreson se Allahu i Madhëruar do ta shpërblejë.
4 – Agjërimi është shkak për fshirjen e të gjitha mëkateve të vogla që njeriu bën.
Mësim praktik:
Nesër fillon muaji i begatë i Ramazanit dhe unë kam vendosur që të agjëroj gjithë muajin, kurse motra ime Unejsa, që është më e vogël do të agjërojë vetëm disa ditë, e vëllai ynë Uejsi që është më i vogël se ne të dy ka vendosur të agjërojë vetëm gjysmë dite.
Ne të tre jemi shumë të lumtur që nesër do të fillojë muaji i begatë i Ramazanit dhe që do të agjërojmë në këtë muaj, secili sipas mundësisë së tij.
