Të dashur fëmijë!
A e dini se kush janë xhamitë më të rëndësishme dhe më të mëdha në mbarë botën? Sa më poshtë po ju tregoj diçka rreth tyre:
Qabja e Madhnueshme
Ajo është xhamia më e madhe në botë dhe është vendi më i shenjtë për muslimanët. Aty vijnë miliona pelegrinë çdo vit për të kryer Haxhin dhe po ashtu gjatë gjithë vitit ajo frekuentohet nga shumë besimtarë që kryejnë ritualin e Umres, falin namazin..etj. Ajo ka 9 minare
Xhamia e Profetit (a.s) në Medinë
Ajo është xhamia të cilën e ka ndërtuar Profeti Muhamed (a.s) dhe me kalimin e viteve ajo ka pësuar një sërë zgjerimesh.
Xhamia Aksa në Palestinë
Ajo është një nga tre xhamitë e shenjta të muslimanëve dhe gjendet në Palestinë në qytetin e Kudsit.
Xhamia Sultan Ahmedit në Turqi
Ajo është xhamia më e famshme në Stamboll me shumë kupola dhe ka 6 minare. Ajo është e njohur për ngjyrat e saj blu të mrekullueshme dhe prandaj ndryshe ajo njihet dhe me emrin Xhamia Blu
Xhamia Faisal në Pakistan
Ajo është xhamia më e madhe në Pakistan. Ajo ka formë moderne dhe nuk ka kupola tradicionale, por ka minare të larta. Ajo ka një hapësirë të madhe për vizitorët.
Xhamia Shejh Zajid në Emiratet e Bashkuara Arabe
Ajo është xhamia më e madhe në Ebu Dhabi të Emirateve të bashkuara arabe. Ajo ka shumë kupola dhe qilima gjigandë brenda. Natën ajo ndriçohet me drita dhe duket si një pallat prej dritash.
Xhamia Emevite në Siri
Ajo është xhamia më e famshme e Damaskut e ndërtuar nga Emevitët. Ajo është një nga xhamitë më të vjetra dhe më madhështore në botë. Ajo ka një oborr të madh dhe shumë minare të larta.
Xhamia Istiklal në Indonezi
Ajo është xhamia më e madhe në Indonezi dhe në Azinë Juglindore. Ajo ka minare të larta dhe kupola të bukura që duken nga larg
Xhamia Hasan II në Marok
Ajo është xhamia më e madhe në Marok dhe e dyta më e madhe në Afrikë. Ajo ndodhet pjesërisht mbi det dhe ka minare të larta. Uji përreth saj dhe dritat e bëjnë të duket magjike.
Xhamia e madhe në Tiranë
Ajo është xhamia më e madhe e ndërtuar në Shqipëri dhe ka katër minare. Duke qenë se ajo është më me madhja në Shqipëri, ajo frekuentohet nga shumë muslimanë dhe vizitorë të huaj.
Autor: Elton Harxhi
By: ardhmëriaonline.com
