Loja “Kam një kungulleshë” është zbavitëse dhe mjaft e përhapur. Por si luhet kjo lojë?
Kjo lojë luhet me dy ose më shumë lojtarë. Sa më shumë lojtarë të ketë aq më e bukur është ajo.
Le të supozojmë se kemi tre lojtarë.
Hapi i Parë:
Secili prej lojtarëve zgjedh një numër: 1, 2, 3.
Hapi i dytë:
Lojtari me numër 1 fillon lojën duke thënë: “Kam një kungulleshë dhe e ndaj në 2 (ose 3) pjesë”, ai është i lirë të zgjedhë njërin prej numrave të tjerë dhe jo numrin e tij.
Hapi i tretë:
Lojtari që dëgjon numrin e përcaktuar përpara se loja të fillojë thotë: “Përse 2?”
Lojtari 1 thotë: “Po sa?”
Lojtari 2 thotë: “1”
Lojtari 1 thotë: “Përse 1?”
Lojtari 2 thotë: “Po sa?”
Lojtari 1 thotë: “3”
Lojtari 3 ndërhyn (dhe jo lojtari 2) dhe thotë: “Përse 3?”
Dhe kështu loja vazhdon…
Kush prej lojtarëve ngatërrohet në pyetje përgjigje, apo ndërhyn kur nuk e dëgjon numrin e vet, skualifikohet nga loja.
Në rastin kur një numër është skualifikuar, për shembull numri 2 është skualifikuar, loja fillon nga fillimi, por lojtarët duhet të bëjnë kujdes që mos ta përmendin numrin 2 gjatë lojës, sepse kjo do të thotë se ai që e thotë atë është ngatërruar dhe si rrjedhojë automatikisht skualifikohet.
Ai lojtar që reziston deri në fund pa u ngatërruar fiton lojën.
By: ardhmëriaonline.com
