Nëse hulumton se si i përshkruan Allahu shumicën e njerëzve në Kuran, do të vëresh se për ta thuhet: nuk dinë, nuk falënderojnë, nuk logjikojnë.
Nga ana tjetër, Zoti ynë thotë: “Megjithatë, pak nga robërit e Mi janë falënderues.”
Prandaj, mos u mbështet tepër te njerëzit. Ofro aq sa ke mundësi dhe lutju Allahut të të japë atë që të takon!
Imam Ahmed ibn Hanbeli e pyeti Hatim el-Asamin:
“Si mund të jetoj në paqe me njerëzit?”
Hatimi iu përgjigj:
T’u japësh atë që zotëron dhe të mos marrësh asgjë prej tyre.
T’u durosh të këqijat që të shkaktojnë dhe të mos u bësh keq atyre.
T’ua plotësosh nevojat e tyre dhe të mos i ngarkosh ata me nevojat e tua.
Imam Ahmedi tha:
“Kjo gjë qenka mjaft e vështirë, o Hatim!”
Hatimi u përgjigj:
“Ah, sikur të shpëtoje pasi t’i bëje këto!”
Autor: Ed’hem Sherkavi
Përktheu: Mevlad Çollaku
By: ardhmëriaonline.com
